Dronning Margrethe Robert Prisenimik nersornaaserneqartussatut innersuunneqartoq
Danmarkip dronningia Margrethe Danmarkimi filmiliullammannut nersornaasiuttakkamut Robert Prisenimut nersornaaserneqartussatut innersuunneqartunut ilaavoq.
Nersornaaserneqartussatut innersuunneqartut allattorsimaffianni tamanna takuneqarsinnaavoq.
Dronning Margrethe isiginnaartitsiviup kiluanik aaqqissuillaqqinnerpaatut isiginnaartitsisullu atisaannik ilusilersuillaqqinnerpaatut innersuunneqarpoq.
Filmiliami Ehrengard - Forførelsens kunstimi suleqataanera pillugu nersornaaserneqartussatut innersuuneqarpoq.
Dronning Margrethe filmiliami isiginnaartitsiviup kiluani aaqqissuussinermi tunuliaqutaasussat pinnersaatissaanik 70-it missaaannittunik qiortaallunilu nipititerisimavoq.
Taassuma saniatigut isiginnaartitsisartup Sidse Babett Knudsenip atisai ilusilersorsimavai.
Filmiliaq Ehrengaard Bille Augustimit ilitsersorneqarpoq, atukkiortup Karen Bilixenip atukiaa aallaavigineqarluni.