Kulturi

ASSIT Dronning Margrethe meeqqerivimmi, nunaqarfimmi Upernavimmilu

Ataqqinartorsuup Dronning Margrethep prins Henrik ilaginagu Nunatsinnut tikeraarnini aallartippaa, Ittoqqortoormiit, Daneborg Station, Pituffik nunaqarfillu Savissivik tikeraarmagit.
Dronning Margrethe Savissivimmut tikeraartoq Assi © : Kongehuset
Assi © : Kongehuset
Assi © : Kongehuset
Assi © : Kongehuset
Assi © : Kongehuset
Assi © : Poul Friis Jørgensen/Siriuspatruljen
Assi © : Poul Friis Jørgensen/Siriuspatruljen
Assi © : Poul Friis Jørgensen/Siriuspatruljen
Assi © : Nûno Isbosethsen/KNR
Pauline Kleemann naasunik pajuttoq Assi © : Nûno Isbosethsen/KNR
Pauline Kleeman og Jens Immanuelsen Assi © : Nûno Isbosethsen/KNR
Assi © : Nûno Isbosethsen/KNR
Klar til regentparret Assi © : Nûno Isbosethsen/KNR
Hele besætningen klar til regentparret i Upernavik Assi © : Nûno Isbosethsen/KNR
Allattoq Camilla Dam
juulip 13-at 2015 11:40
Nutserisoq Tikaajaat Kristensen

Sisamanngormat dronning Margrethe Ittoqqortoormiinut tikippoq, ilaatigullu utoqqaat illuat meeqqerivillu Paarsisoq pulaarpai. Ullullu ingerlanerani dronningi Daneborg Stationimi qimusserlutik alapernaarsuisut Siriusikkut tikeraarlugit. Tikeraarneranit assit uani takusinnaavatit.

Tallimanngormat kitaanut aallarpoq, dronning Margrethe Pituffimmut kingornalu nunaqarfimmut Savissivimmut tikeraarmat.

Kunngikkormiut arfininngormat sulinngiffeqalaareersullu prins Henrik Nunatsinnut tikippoq, sapaatiummat kunngikkormiut Upernavik tikeraarpaat.

Dronning Margrethep 20-nik ukioqarluni Nunarput tikeraaqqaarmagu illoqarfik siulleq tikitani takoqqippaa, taamani kunngi Frederik dronning Ingridilu tikeraaqatigai.

Kunngikkormiut Upernavimmut inatsisartunut ilaasortamit borgmesteriusimasumillu Jens Immanuelsenimit tikilluaqquneqarput, niviarsiararlu sisamanik ukiulik Pauline Kleemann naasunik tunniussisuuvoq.

Kunngikkormiut atuarfik Prinsesse Margrethe Skolen, dronningip 1960-imi ammaanersiugaa atsigaalu, pulaarpaat.

Uani kunngikkormiut tikeraarnerannit ulluni siullernit assit katersatsinni pitsaanersiukkat takusinnaavatit. Illit aamma assilisaqarsimaguit nittartakkatsinni matumani ikkussinnaavatit.

Assit nassuiaataat:

  1. Dronning Margrethep nunaqarfik Savissivik tikeraarpaa. Assiliisoq: Kongehuset
  2. Nunaqarfik Savissivik. Assiliisoq: Kongehuset
  3. Dronning Margrethe Ittoqqortoormiini meeqqerivimmi Paarsisumi pulaartoq. Assiliisoq: Kongehuset
  4. Ittoqqortoormiit. Assiliisoq: Kongehuset
  5. Ataqqinartorsuaq Dronning Margrethe qimusserlutik alapernaarsuisut Sirius assiliseqatigai. Assiliisoq Kongehuset.
  6. Upernavik nakkutigalugu. Assiliisoq: Nûno Isbosethsen
  7. Naasulisartoq Pauline Kleemann dronningip Upernavimmut tikinnissaa utaqqigaa. Assiliisoq: Nûno Isbosethsen
  8. Pauline Kleemann Jens Immanuelsenilu. Assiliisoq: Nûno Isbosethsen
  9. Dronning Margrethe prins Henrillu Upernavimmi. Assiliisoq: Nûno Isbosethsen
  10. Kunngikkormiut umiarsuaannik Dannebrogimik umiarsuarmi malinnittumi inuttat. Assiliisoq: Nûno Isbosethsen
  11. Umiarsuarmi malinnittumi inuttat piareersimapput. Assiliisoq: Nûno Isbosethsen

Aamma atuaruk

Kulturi

Aki-Matilda Høegh-Dam: Isummamik allanngortitsinngilagut – avataarsuata ujaraa angerlartinneqassaaq

På billedet ses et komplet skelet af den dinosaur, som er fundet i Østgrønland. Fossilerne er nu pakket ned og kan sendes til Grønland, hvis Grønlands Nationalmuseum og Arkiv ønsker det.
Kulturi

Nunatta Katersugaasivia Allagaateqarfialu allamik qinigassaqannginnami: Dinosaurit saarngi ukiut qulit sinnerlugit atukkiukkai

Kulturi

Nunatsinni assilisat allagaateqarfissuarmiittut akeqanngitsumik atorneqariaannaalertut