Dronning Ingridip napparsimmavissuani sipaarniartoqalerpoq
Dronning Ingridip napparsimmavissuani sipaarniartoqalerpoq.
Napparsimmavissuarmi aningaasartuutit qaffasinne-rulernerisa kingunerisaanik aningaasat uninngasuutigineqartut ullunut aggersunut maannakkut naammanngilluinnarput.
Sipaarniarnermi anguniarneqarpoq, napparsimasut attorpallaanngikkaluarlugit 2 millioni koruuninik sipaarniuteqarnissaq.
Aningaasarsiat qaffassimanerat, nakorsaatit akii qaffassimanerat, napparsimasunullu nunani allani uninngasunut aningaasartuutit, soorlu; Danmarkimi Islandimilu, aamma qaffassimapput.
Tassalu assersuutit pingasut taakku assersuutigineqarsinnaapput, napparsimmavissuup ukiut tamaasa annertuumik aningaasartuutigisartagai.
Akissaqassuserpullu taamaalilluni ukioq manna eqqorneqarpoq, allatut oqaatigalugu aningaasar-tuuteqalernerusimavugut.
Taamaattumillu sipaarniutissanik 2 millioni koruuni-nik napparsimmavissuaq nassaarniartariaqarpoq. Missingersuutaareersut 400 millioni koruunit missingisa iluanni, peqqinnissaqarfimmi pisortaq, Søren Rendal, taama oqaluttuarpoq:
Nuna tamakkerlugu sipaarniartariaqarpugut, siornatigut taama naalataqartareersimavugut, taamaattumik isumalluarpunga napparsimasut eqqunngikkaluarlugit arlaatigut aaqqiissuteqarsinnaassalluta, Radio-avisimiillu aperineqarami napparsimasut ilumut eqqorneqarnaviannginnersut, tamanna qularnaatsumik akisinnaannginnerarpaa.
Kalaallit Nunaanni napparsimavinnut tunngatillugu nutaamik iluarsartuusseqqinnissaq Inatsisartut ullumikkut oqaluuserisussaavaat.
Peqqinnissaqarnermut Nalakkersuisunut ilaasortap, Agathe Fontainip saqqummiussaani atuarneqarsinnaavoq, iluarsartuusseqqinnikkut allannguinissami anguniakkat aningaasaqarnermik aaqqiissuteqarfiusinnaasut.
