Droni pillugu politiit suliaat siulleq naammassisoq
Nunatsinni Politiit oqaluttuarisaaneranni Dronimik, timmisartuaqqamik inuttaqanngitsumik, illoqarfimmi qulaavaatitsisimanerminut akiligassinneqarpoq. Politiit taama allaaserisaqarput.
Allattoq Mads Pedersen
Dronit illoqarfinni mittarfimmiillu 5 kilometerisut qanitsigisumi atornissaat inerteqqutaasoq politiit Facebookiminni allapput.
- Angutip 52-inik ukiullip Maniitsumeersup droniutini illoqarfikkut ukioq manna qulaavaatereerlugu 3.000 kr.-inik akiligassinneqarami tamanna paasivaa. Angutip akiligassaq atsiornikuuaa. Taamaalilluni Nunatsinni dronet pillugit suliaq siulleq aalajangiiffigineqarpoq, politiit allapput. .