DR-p nunatsinnut juullimi pilluaqqusisarnera nuannarineqaqaaq
Danmarks Radiop nunatsinnut juullimut pilluaqqussutigisartagaa ukiut tamaasa TV-kkut aallakaatinneqartartoq Nunatsinni Danmarkimilu nuannarineqartaqaaq.
Sapaatip akunnerani qaangiuttumi tv-kkut isiginnaarneqarnerpaat 20-t akornanni 598.000-inik isiginnaarneqarluni normu 15-iusimavoq.
DR-ip juullimut pilluaqqussutigisartagaa aappaagu 2008-mi aallakaatinneqaruni ukiunik 75-nngortorsiussaaq.
Taama pilluaqqusisarneq 1933-mi radiokkut aallakaatinneqaqqaarsimavoq.
Ukioq manna Juullimut pilluaqqussut Københavnimi radiohusimi decembarip 17-ani immiunneqarpoq, Julie Berthelsen ilisarititsisartoralugu.
Sapaatip akunnerani kingullermi isiginnaagassiaq nangittussiaq „Krøniken“ unammillerneqarpiarani isiginnaarneqarnerpaasimavoq, 1.172.000-nit isiginnaarneqarsimalluni.
