DR-ip Kalaallit Nunaannut juullimi inuulluaqqussutaa
Danmarks Radiup Kalaallit Nunaannut juullimi inuulluaqqussutigisartagaa, ukiut tamaasa juulleriartornerani aallakaatinneqartartoq ukiormanna 76-issaa allakaatinneqassaaq, aallakaatitassiarlu taanna nunarsuarmi aallakaatitassiarineqartartuni nutaannginnerpaat ilagaat.
Juullimi inuulluaqqussut sorsunnersuaq kingulleq sioqqutilaarlugu aallakaatinneqaqqaarpoq.
Erinarsortartoq ilisimaneqarluartoq Julie Berthelsen TV-ikkut aallakaatitsitassiami aqutsisuussaaq, taamatullu erinarsussalluni, erinarsoqatigissallugu Søs Fenger. Kim Larsen nipilersortartunilu Kjukken appisimaassapput, meeqqat erinarsuutaannik atuissallutik. Nina Kreutzmanna erinarsortoq isiginnaarneqarlunilu tusarnaarneqarsinnaajumaarpoq, taamatullu erinarsoqatigiit Avaat erinarsussapput, taakkua ukiormanna ukiut qulinngortorsiorput.
Danmarks Radiup Kalaallit Nunaannut juullimi inuulluaqqussutaata TV-ikkut aallakaatinneqartarnerisa 20issaat unnumanna isiginnaarneqarsinnaassaaq.
