DR Congomi præsidentimut illuatungiliuttoq qinersinermi ajugaasoq
Qinersinermi inernerit pisortatigoortussappata Belgiap DR Congo 1960-imi nunasiaatigiunnaarmagulli pissaanermik eqqissisimasumik ingerlatitseqqiineq siulleq taamaasilluni piviusunngulerunarpoq.
DR Congomi præsidentimut ullut aqqanillit matuma siornatigulli qinersisoqarmalli eqqissiviilliortoqaqaaq. Tuluit nutaarsiassaqartitsiviat Reuters taama allaaserisaqarpoq.
Præsidentimut qinersinermi sassartut tassaapput Felix Thisekedi, suliffeqarfiutilillu Martin Fayulu, maannamullu præsidentiusup Joseph Kabilap kingoraartissamittut toqqagaa Emmanuel Ramazani Shadary.
Kisitsisit qinersinermi ataatsimiititaliap saqqummersitaasa takutippaat Thisekedi 7 millioninit qinerneqartoq, Fayulu 6,4 millioninit qinerneqartoq Sahadarylu 4,4 millioninit.
Maannamut præsidentip Joseph Kabilap, angunni Laurent Desire Kabila præsidentitut 2001-imi kingoraarpaa, præsidentitullu atuuffiata kingulliup ukiut marluk matuma siornatigut naamassineqartup kingorna aatsaat tunuarniuteqalerluni.
/ritzau/