Doris Jakobsen peqqissutsip siuarsaavigineqarneranut aningaasaliivoq

Nunatsinni peqqissutsip siuarsaavigineqarneranut suliniutit katillugit 22-it, Peqqissutsimut Naalakkersuisup, Doris Jakobsenip aningaasaliiffigai katillugit 188.000 koruuninik.
Allattoq Apollo Jeremiassen
decembarip 22-at 2014 15:57

Inuunerittap aningaasaateqarfianut qinnuteqartut ukioq manna 46-ruupput. Tassaungalu qinnuteqarnermi ukioq manna aningaasaliiffigisassatut siunniunneqarput meeqqat, inuusuttaqqat ilaqutariillu peqqissuunissaannik inuunerissuunissaannillu suliniutit. Suliniutit ilaatigut imigassartorpallaannginnissamik, ikiaroornartumik atuivallaannginnissamik taamatullu tupatorpallaannginnissamik suliniutit tapiiffigineqarluti. Taamatuttaaq tapiiffigineqarput meeqqat inuusuttuaqqallu ikittaatit imassaannik taamatullu allanik naamaartannginnissaannik suliniutit.

 

- Sumiiffinni arlalinni suliniutit ataasiakkaat taama amerlatigisut tapiiffigineqarsinnaaneri nuannaarutigaara. Tamassuma takutippaa peqqinnerunissaq pillugu suliaqartoqarusuttoq, Peqqissutsimut Naalakkersuisoq, Doris Jakobsen tusagassiutinut nalunaarummini ilaatigut taama allappoq.

 

Nunatsinni inuunerissaq pillugu suliniutinut ukiumut marloriarluni qinnuteqartoqarsinnaavoq. Tullianilu qinnuteqarfissaq ulloq kingulleq tassaavoq aapriilip allaqqaataa 2015.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq