Doris Jakobsen Jens B. Frederiksenimut akivoq
Atuartunut anginernut Upernavimmi ineqarfiliorniarneq pillugu Demokraatineersup Jens B. Frederiksenip, Ilinniartitaanermut Kultureqarnermullu naalakkersuisumut, Doris Jakobsenimut, ippassaq isornartorsiuinera Doris Jakobsenip tunngavissaqarsorinngilaa.
- Misissuilluarnikkut paasineqarpoq Upernaviup Kommuniata qinnuteqaataa ajoraluartumik kukkuneqarsimasoq, ukiut sanaartorfissatut qinnutigineqartut suliassamullu pilersaarusiaq ataqatigiinngimmata, Doris Jakobsen oqarpoq.
Taanna aamma oqarpoq, Upernaviup Kommunia ikiorniarlugu iliuuseqartoqartoq, aamma Upernaviup borgmesteria, Jens Immanuelsen, qanittukkut ataatsimeeqatigisussaagini.
Atuartunut anginernut Upernavimmi ineqarfiliorniarnermut atatillugu, Ilinniartitaanermut kultureqarnermullu naalakkersuisup isumasioqatiginisasamut aggersarneqarnissaa kissaatigalugu Jens B. Frederiksen ippassaq oqarpoq.
