Doris J. Jensenimut tatiginnikkunnaartut amerlanerussuteqartut
Demokraatit Peqqissutsimut, Isumaginninnermut Inatsisinullu atuutsitsinermut Doris J. Jensenimut tatiginnikkunnaarlutik nalunaarutigaat.
- Demokraatini isumaqarpugut qinikkatut inissisimasut tamaqqinnaatta pisussaaffigigipput inuiaqatigiit tatiginninnerat eriagalugu atussallugu, tamatumani aamma inuiaqatigiit aningaasaataannik ileqqorissaartumik atortassallugit. Uani pineqartumi Demokraatini isumaqarpugut Naalakkersuisunut ilaasortaq Doris Jacobsen Jensen qinikkatut inissisimasutut ileqqorissaarnissamut naatsorsuutigineqartut qaangerujussuarlugit pissusilersorsimasoq.
Inuit Ataqatigiit Doris J. Jensenimut tatiginnikkunnaarnermik taasititsissallutik ullumi pingasunngornermi nalunaarutigaat. Partii Naleraq aamma naalakkersuisumut tatiginnikkunnaarnertik Sermitsiaq.AG.mut ullumi oqaatigaat.
Taamaalilluni partiit pingasuusut, tassa Inuit Ataqatigiit, Demokraatit Partii Nalerarlu amerlanerussuteqarlutik Doris J. Jensenimut tatiginnikkunnaarput.
Paasissutissanik sukumiinerusunik piniarluta ulapputigaarput....