Doris Inuusuttut Ataqatigiinnut: Tunngavissasi amigarput
Siumup Inatsisartunut Folketingimullu ilaasortaatitaata Doris Jakobsenip IA-p inuusuttaanik oqalliseqateqalernera tupaallannarpoq. Oqallisigisaat tassaaavoq uranimik piianissaq, IA-llu inuusuttaasa Dorisip uramut akuersaanngilluinnarnerup atorunnaarsinnissaanut itigartitsilluni taaseqataanissanik kajumissaarsimavaat.
Allattoq Peter Troelsen, Simon Uldum
septembarip 30-at 2013 07:42
Doris Jakobsenip saffiugassanik aatsitassarsiorneq illersorneqarsinnaasumik ingerlanneqarpat tapersersorlugu erseqqissaatigaa, tamannali Jakobsenip amerikamiut 60-kkunni nunatsinni atomip nukinganik nukissiorfigigallarsimasaannit imikumik kuutsitsisarsimanerat qanittukkut eqqarsarnartoqartillugu oqaaseqarfigimmagu nalornissutigineqarsinnaavoq.
- Ullumikkut saffiugassamik piaaneq allaaneruvoq akisussaassusilimmik ingerlanneqarluni, ukiut 50 matuma siorna misileraanernut atominut nukissiuutinut iluatsippallaanngitsunut sanilliullugu, Doris Jakobsen nassuiaavoq nangillunilu: -Inuit Ataqatigiit inuusuttaasa taamatut oqaaseqarnermikkut naqissuserpaat tunngavigisatik amigartut.
