Doris: Folketingimut uteqqinnissannik Kimip kissaataa tusaatissatut tiguara
Tamanna pillugu Naalakkersuisut siulittaasuat, Kim Kielsen tusagassiutinut nalunaarummini ilaatigut ima allappoq.
- Siumut aalajangerpoq Doris Jakobsen Folketingimut ilaasortanngorteqqinniarlugu, taamaammat Naalakkersuisunut ilaasortatut sulinngiffeqarallarnissamik qinnuteqaataa Naalakkersuisunut Siulittaasutut akuerissallugu aalajangerpunga, Naalakkersuisut siulittaasuat allappoq imalu nangilluni.
- Pingaartumik Pituffimmut tunngatillugu suliap takutippaa misilittagalimmik Naalakkersuisunillu suleqateqarsinnaasumik Folketingimi ilaasortaqarnissaq pingaaruteqartoq.Taamaammat Folketingimut qinersisoqarnissaata tungaanut Doris Jakobsenip Naalakkersuisunut ilaasortaanerminit sulinngiffeqarallarnissaa akuersissutigaara, Kim KIelsen allappoq.
- Doris Jakobsenip Folketingimut qinersisoqalerpat Naalakkersuisunut ilaasortatut atuuffiminut uternissaa qilanaarivarput. Suliassaqarfii qaammatialunni pissutsit taamaannerani Martha Lund Olsenimit Vittus Qujaukitsumillu paarilluarneqarumaarput. Naalakkersuisut siulittaasuat, Kim Kielsen, Siumut neriorsuivoq.