Doris Brødskovimut apeqquteqarpoq
Doris Jakobsen ataatsimiinnerup kingorna danskit inatsisinik atortitsinermut ministeriannut marlunnik apeqquteqarpoq, piffissarlu ungasippallaanngitsoq akineqarnissani neriuutigaa. Bødskovimi siornatigut apeqquteqaatigineqartut piffissaq eqqorlugu akissuteqarfigisarsimanngilai.
Jakobsenip ministerimut nassuiaqquaa, singernequteqarluni pillagaasarneq Nuummi assersuutigalugu ukiuni marlunni misileraassutigineqassappat qanoq akeqassanersoq, tamatumunngalu aningaasartuutit allat suussanersut
Jakobsenip Bødskovimut apeqqutigisaata aappaa Nunatsinni pinerluttuliornermik pinaveersaartitsinermut tunngavoq. Bødskov nassuiaateqaqquaa Nunatsinni qanoq annertutigisumik pinerluttuliornermik pinaveersaartitsisoqarnersoq kiisalu "Pinerluttuliornermik pinaveersaartitsinermi siunnersuisooqatigiit aningaasanik qanoq amerlatigisunik tunineqartarnersut siunnersuisooqatigiillu qanoq akulikitsigisumik ataatsimiittarnersut
