Dopingimut misissortikkusunngitsoq
- Nukkassaatinik atuisuunerluni misissortinngitsooraanni nukkassaatinik atuisimasutulli nalilerneqartarput, immikkut aalajangiisussaatitaallutik qinikkat siulittaasuat Birgit Niclasen oqarpoq.
Arctic Winter Gamesinut unammiartortoqarnissaanut atatillugu nukkassaatinik atuisoqartarnersoq misissuisoqarpoq, Ilulissanilu aamma misissuisoqarluni.
Ilulissanilu misissuinermi ajuusaarnaqisumik ataaseq misissortikkiartunngitsoorpoq, immikkut aalajangiisussaatitaallutik qinikkat siulittaasuat Birgit Niclasen oqarpoq. Misissortikkusunngitsorlu pillugu Dopingnævnimut suliassanngortitsisoqarpoq, tassami nukkassaatit pillugit malittarisassat naapertorlugit, nukkassaatinik atuisuunerluni misissortinngitsoortoqaqqusaanngilaq.
- Misissortikkiartornissamut aggersarneqaraanni, pinngitsoorani aggertoqartussaavoq. Nukkassaatinik atuisuunerlutik misissortinngitsoortut nukkassaatinik atuisimasutuulli nalilerneqartarput, Birgit Niclasen oqarpoq nassuiaalluni misissortinngitsoornerit timersoqatigiiffinnut nukkassartarfinnullu antidoping pillugu isumaqatigiissuteqarfiusimasunut ukiuni marlunni ilaasortaajunnaarrnermik kinguneqartartut.
Inuit aamma indianerit pinnguaataannik timersortartoq nukkassaatinik atuisuunerluni misissortinngitsoortoq, Helga Nielsen Inuit sport Greenlandimit Nunarput ullumimut pingasunngormat 29. Februar oqarpoq.
