Donald Trumpip sillimaniarnermut siunnersortini soraarsikkaa

Trumpip sillimaniarnermut siunnersortini soraarsippaa. Sillimaniarnermut siunnersortip John Boltonip siunersuuterpassui Trumpip isumaqatiginngilluinnarlugit oqaatigaa.

- John Bolton ippassaq ilisimatippara - præsidentip illorsuani suliunnaassasoq.

Donald Trump Twitterikkut taama allaaserisaqarpoq.

Boltonip siunnersuuterpassuinut isumaqataasimanani, Boltonillu ullumikkut soraarniuteqarnissaanik piumaffigisimallugu Trump oqarpoq.

AAMMA ATUARUK Trumpip siunnersortaata nunarput pillugu kissaatit oqallisigigai

Sillimaniarnermut siunnersortissaq sapaatit akunnerata tulliani toqqarneqassasoq, Trump ilisimatitsivoq.

- Tunuarnissaralu pillugu ippassaq neqeroorutigaara, tamannalu pillugu Trump ima akivoq: tamanna aqagu eqqartorisigu, Bolton Twitterikkut taama aallaaserisaqarpoq.

Præsidentip illorsuani tusagassiisarnermut suliaqartoq, Stephanie Grisham oqaaseqarsimanerarneqarpoq, Boltonip politikkia præsidentip isumaqatigisimanngikkaa, BBC taama allaaserisaqarpoq.