Donald Trumpip præsidentinngorniuunnermi qinigaanerata kingorna Amerika-mi iisartagaq naartuersissut piumaneqartorujussuanngorpoq.
Aid Access kattuffiuvoq nittartakkakkut iisartakkat atorlugit naartuersinnissamik neqerooruteqartartoq.
Kattuffimmi pilersitsisoq Rebecca Gompert nittartakkamut tallimanngormat iserniartoqangaarmat akunnerni marlunni nittartagaq ajutooqqasimasoq nalunaarpoq.
Nalinginnaasumik ulloq unnuarlu ingerlanerani iisartakkanik qinnuteqartartut 600- missaanniittut qinersinerup kingorna qinnuteqartut 15-neriaammik amerlanerulersut, nutaarsiassaqartitsivik allappoq.
- Nittartagarput malinnaasinnaajunnaavippoq. Inuit iisartakkat eqqanaarsarniartutullusooq ippaat pisiniarfinni pisiaanerat Donald Trumpip qinigaanerata kingorna
unitsinneqaqinammata, Rebecca Gompert The Independentimut oqarpoq.
Taassuma inuit qinnuteqataat malillugit ernumasut takusinnaanerarpai.
Pingaaruteqarporli eqqissisimanissaq uivernaveersaarnissarlu
Pingaaruteqarporlu eqqissisimanissaq uivertoqaranilu, Rebecca Gompert The Independentimut taama oqarpoq.
Iisartakkammi naartuersissutit qinnuteqarniarlutik kissaateqartunut naammapput.
Eqqartuussineq allannguutaasoq Donald Trumpip 2022-mi prædentiunerata nalaani eqqartuussisuunerit pingasut toqqarsimasaasa arnat naartuersissinnaanermut
kiffaanngissuseqartitaanerat illersorsinnaasimavaat.
Kingornali Amerikap ilaani naartuersinniarneq sukateriffigineqarpoq naartuersinnissarlu ajornarsingajavilluni.
Præsidentinngorniuunnerup nalaani naartuersittarnermut pisinnaatitaaffiit piffiit ilaanni qinersissutigineqarput, tassanilu stat-t quliusuni arfineq-marluk
naartuersissinnaanissamut kiffaanngissuseqartitsiniarlutik aaliangersimapput.
Trump naartuersissinnaanissamut kiffaanngissutsip unitsinneqarnissaanut akerliunini oktoberimi qineqqusaarnermini naqissuserpaa. Siunnersuummillu taamak ittumik
takugaluaruni akuerinaviarnagu oqarluni.
Aammali stat-it assigiinngitsut iluminni tamanna nammineq aaqqissinnaagaat oqarluni.
Ritzau taama allappoq.
