Domprovst Jakobine Kyed toquvoq
- Uagutsinnut tupannarluniklu alianaqaaq., biskop Sofie Petersen oqarpoq. Domprovsti tassaavoq biskoppip qaninnertut suleqataa.
Domprovsti Qaqortumi Qassimiunilu aasaanerani ulluni makkunani sulinngiffeqartilluni, ippassaq sinimmini toqusimasoq ilaminit siumorneqarpoq.
- Domprovstip aamma Nuuk, Maniitsoq, Sisimiut, Qaanaaq, Tasiilaq aamma Illoqqortoormiut provstiuffigai, taamaammat annaasarput angivoq, biskoppi oqarpoq.
Jakobine Kyed Nuummut apriilip aallaqqaataani nuuppoq, tassani domprovst Emma Balslev, soraarninngortoq taarseramiuk. Jakobine Kyedip qatanngutaasa ilagaat naalakkersuisunut siulittaasuusarsimasoq Jonathan Motzfeldt.
Jakobine Kyed 1978-imili ilagiinni sulilerpoq, aallaqqaammut Qaqortumi ajoqiusimalluni. Palasinngorpoq 1992-imi Kujataatalu provstiatut 1996-imi sulilerpoq, Nuummut qaammatit pingasut matuma siornagut nuunnissi tikillugu atorfigisaminik.
Jakobine Kyedip timaa Qaqortuliaanneqareerpoq.
Qatanngutaa Jonathan Motzfeldt Qaqortumut aamma tikereerpoq, aqagulu biskoppi Sofie Petersen Qaqortuliassaaq.
Jakobine Kyedip qaqugu ilisaanissaa kingusinnerusukkut nalunaarutigineqassaaq.