DMI: Sikukilliartornera suliassaqartitsinerulerpoq

Issittumi siku milligaluttuinnarpoq, Issittumi Siunnersuisoqatigiit immikkut Issittumi Pinngortitamik Nakkutilliisoqarfiullunilu Nalilersuiffia AMAP Issittumi pissutsit pillugit nalunaarusiamini Nuummi  qanittukkut ataatsimiinnermi saqqummiunneqartumi inerniliivoq.

Inerniliussami pingaartut ilagaat imaani ajutoortoqartillugu annaassiniarnerit qanoq issittumi nunat akornini suleqatigiissutigineqartassanersut, ilaatigut nunarsuarmi upalungaarsimanerup annerulerneranik kinguneqartussaq.

Sikup milliartuinnarnera, DMI-mi immap sikullu pillugit alapernaarsuiffimmut anormitaava sunniuteqassava?DMI-mi nutaarsiassaqartitsiviup suliffissaarutilernersumik aperisaa tassaavoq sikunik alapernaarsuiffimmi  pisortaq Nicolai Kliem.

- Naamivik. Sikup milliartornera angallatit angallannerulernerannik kinguneqarpoq, tamannalu uatsinnik suliaqarnerulersitsivoq. Ukiuni kingullerni matunnarsiartuinnarpoq; piffissami matumani tassaanerupput Kalaallit Nunaata sineriaani uuliasiortut. Malugisimaqaarputtaaq sumiiffiit qanoq innikkut angallaviusinnaasarnerat siornatigumut naleqqiullugu aamma allanngoriartoqisoq. Uatsinnut piumasaqarfiunerulerpoq. Kalaallit Nunaata sineriaanut tunngatillugu ilisimasagut pingaaruteqaleriartuinnassasut aamma ilimagaarput,  Nicolai Kliem oqarpoq nangillunilu:

- Issittup sikuerukkaluttuinnarnerata kinguneranik maanna angallaviusanngitsut ilaatigut uuliasiorfiusalissasut aamma angallavinngussasut ilimagaarput, soorlu Europamiit Aasiamut Issittup imartaagut aamma Amerikap nunataata avannaani Sullualukkut angalanerit imaaginnavilernissaat Assersuutigalugu Hollandimi Rotterdam-imiit Amerikap kitaani Seattle-mukartunut imaluunniit Kinami Shanghai-iumukartunut aqqutaata isorartussusia 5.000 kilometerinik naalissaaq.

DMI-mi ilisimatuut ulluni makkunani aamma Kalaallit Nunaata avataani uuliamik mingutsitsisoqaleraluarpat sarfap silallu qanoq-inneri apeqqutaatillugit iliuusissanik misileraapput.

- Avatangiisit mianernartut uuliaarluerfigineqalissagaluarpata piareersimasinnaajumalluta taamaaliorpugut, Nicolai Kliem oqarpoq.

- Sullissinigut siunertaqarluarput, tassami uagut imaani isumannaallisaaqataavugut, angallatillu toqqaannartumik attaviginerisigut aamma ikiuuttarluta, naggasiivoq.

Tamaalilluni Kalaallit Nunaanni imartani avatangiisit eqqumaffigineqarnerulersillugillu ajutoornerit pinngitsoortinnissaannut suleqataallutik DMI-p erseqqissaatigaa, allallutik uuliakoortoqassagaluarpat ikiuukkasuarsinnaalissallutik.http://www.dmi.dk/dmi/mindre_is___mere_isovervaagning