DM-imi peqataasuni nukarlersaq kalaaleq pingasunik ukiulik

Kalaaleq niviarsiaraq pingasunik ukiulik Nuummi Sisorartartut Peqatigiiffianiit NSP-miit peqataalluni Norgemi ujakkaarluni DM-imi pissartanngorniuttoqarnerani arfinilinnik ujaminnalluni angerlamut utertussanngorpoq.
Inuuna DM-imi unamminermini eqimattat atualertussat unammivai, Inuuna pingasunik ukioqarpoq. Assi © : Privat
Inuuna 400 miiterisut isorartutigisumik unamminermi kisiartaalluni peqataanermini kultinnappoq.
Inuuna Olsvig pingasunik ukiulik Norgemi DM-imi unammersuaqataanermini arfinilinnik ujaminnappoq.
Inuuna DM-imi unammersuarnermi nukarlersaalluni peqataavoq.
- Ulloq siullermut naatsumut klassiskimi 40 miiterimi 2-nngorpoq, taava aqaguani sprintimi 200 miiterimi 3-nngorluni. Tava aqaguani Duatlonimi 200 miiteri marloriarluni kaajallappaa, tassani 3-nngoqqilluni.
Inuuna Olsvig Nuummi Sisorartartut Peqatigiiffianni ilaasortaavoq.
Inuuna aprilimi Sisimiuni Arctic Circle Racemut aappassaaneerluni peqataassaaq.
Inuunap DM-eqataanissaa anaanata nammineerluni aningaasanik katersinermini piviusunngortippaa.
- Akuunera pitsaasorujuuvoq. Nukarlersaagami, taava meeraqatimi akornaniileraangami inequgisaalluni pinnguaqatigalugit pisarpai, Inuunap anaanaa Miiannguaq Olsvig oqarpoq.
Allattoq Marie Kûitse Kristensen, Malik Brøns
februaarip 03-at 2020 08:18

Nuummiu Inuuna Olsvig pingasunik ukiulik Norgemi Kvitåvatnimi januaarip 25-aniit februaarip aallaqqaataa ilanngullugu DM-ertoqarnerani unammeqatiminit nukarlersaalluni peqataavoq.

Taanna ataatsimik ukioqarluni arfinilinnillu qaammateqarluni ujakkaartalerpoq. Ukiullu affaa qaangiummat tassa marlunnik ukioqarluni Sisimiuni Arctic Circle Racemut peqataarngaarpoq.

Inuuna Olsvig Nuummi Sisorartartut Peqatigiiffianni NSP-mi ilaasortaavoq. Uani Norgemi DM-ertoqarnissaanut ilaanissaminut NSP-mut qinnuteqarsimagaluarpoq, mikivallaarmalli itigartinneqarpoq. Tamannali anaanaata unissutiginngilaa.

- NSP-kkunni ilaasarami, taava taakku nalunaaruteqarnikuugamik meeqqat inersimasullu Norgemi unammersuaarneranni peqataanissaanut periarfissaqartoq. Taava Inuuna mikivallaarluni tigusaanngitsoorami, taava uagut nammineq isumagalugu taakunnarpugut peqataatikkiartorlugu.

Inuunap anaanaa Miiannguaq Olsvig taama oqarpoq.

Inuuna Norgemi Danskit Kalaallillu pissartanngorniunneranni sisamariarluni unammeqataavoq, tamarmillu ujaminnaffigai. Inuuna tallimariarluni unammisussaagaluarluni napparsimanini peqqutigalugu unamminermi ataatsimik peqataasinnaasimanngilaq.

- Ulloq siullermut naatsumut klassiskimi 40 miiterimi 2-nngorpoq, taava aqaguani sprintimi 200 miiterimi 3-nngorluni. Tava aqaguani Duatlonimi 200 miiteri marloriarluni kaajallappaa, tassani 3-nngoqqilluni .

Inuuna unamminermi kingullermi 400 miiterinik unamminermini unammeqateqannginnami kuultinnalluni apuuppoq.

Inuuna unamminerni sisamaasuni ujaminnattaami saniatigut, DM-imut peqataanerminut tunngatillugu aamma marlunnik ujaminnatsinneqarpoq. Taamaalilluni arfinilinnik ujamilerluni marlunngornermi Nuummut tikissaaq.

Tamannalu anaanaasumut Miiannguaq Olsvigimut attortinnanngitsoorsimanngilaq.

- Peqatigalugu nuannertorujussuuvoq. Takusinnaallugu nuannisaartoq, inuttaalu apissikkiartoraangami kiinaa nuannaarnera, tulluusimaarnera isigalugu asut nuannerpoq. Ujamilersikkaangami aamma tanngassimaartarnermut attortisimanartarpoq.

Inuunap anaanaa ilanngullugu oqaluttuarpoq, DM-imi unammersuarnermi Inuuna nukarlersaasoq.

- Akuunera pitsaasorujuuvoq. Nukarlersaagami, taava meeraqatimi akornaniileraangami inequgisaalluni pinnguaqatigalugit pisarpai.

Inuuna Olsvig pingasunik ukiulik aappassaanerluniSisimiuni ACR-imut aprilimi unammigiassamaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq