DK: Meeqqat pujormiutinneqartartut ikilimmata napparsimasut ikilipput

Pujortartarneq pillugu Danmarkimi inatsit nutaaq atuutilersinneqarmat, meeqqat napparsimmavimmut unitsinneqartartut ikilipput. Danmarkip Radioata nittartagaani tamanna atuarneqarsinnaavoq.
Allattoq Louise M. Kleemann
oktobarip 16-at 2008 07:48

Meeqqat pujormiutinneqartartut ikilimmata napparsimmavimmut unitsinneqartartut ikilipput, Gurli Sørensen, Sønderborgip napparsimaviani peqqissaasoq taama naliliivoq.

Meeqqat pujormiutinneqarnermi kingorna napparsimmavimmut tassunga unitsinneqartartut hunnorujulikkaajusarsimagaluariarlutik, maanna ukiumut 50-it missaanniittalersimapput.

- Angajoqqaat silamukariarlutik pujortartartut amerliartorput, meeqqallu atuarfinni inissiisarfinnilu pujormiutinneqartarunnaarput, Gurli Sørensen oqarpoq.

Pinaveersaartitsineq pillugu pisortaqarfik Paarisa atuagassiaaqqamik paasititsiniummik maajimi saqqummiivoq qulequtalimmik Puaat minguitsut – aammalu - meeqqat pujortarfiginagit.

Atuagassiaaqqami atuarneqarsinnaavoq meeqqat pujormiutinneqartartut napparsimakulanerusartut.

Atuagassiaaqqami aamma allassimavoq angerlassimaffik qanoq ilillugu pujortarfiunngitsunngortinneqarsinnaanersoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq