DK-imi puisut toqoraqqilernissaat aalleqqutigineqartoq

Junip qaammataani qeqertami Kattegatimiittumi Anholtimi puisit 60 toqugasut nassaarineqarput, tamaammallu Danmarkimi puisit nappaassuarmik eqqorneqaqqissimanissaat aarleqqutigineqalerpoq. Taama politikenimi ilanngutassiortut allapput.

Orpipassuaqarnermut Pinngortitamullu Aqutsisoqarfik sap. akunnerini kingullerni puisinik toqugasunik siumugaqarsimanngilaq, taamaammallu naliliivoq puisit toqorarunnaarsimassasut.

- Sap. akunnerini kingullerni neriuuteqartorujussuu-vunga. Imaannguatsiarpoq puisit nappaalanerat 1988-imi 2002-milu pisumit allaanerusoq. 2002-mi puisit nappaalammata puisit toqugasut 400-it Limfjordmiit nammineerlunga katersorsimavakka, taama oqarpoq, nujuartat pillugit siunnersorti; Anton Linnet.

Siornatigut puisit nappaalasarnerat Tysklandimut, Hollandimut kiisalu Sverigemut anguttarsimavoq. Maannakkut Sverigemut taamaallaat anguppoq.

- Tamaattumik neriuutigaarput, puisit ulorianartorsior-nerat DK-mi qaangiussimassasoq. Ilimagisarput tassaavoq, maannakkut puiserpassuit nappaammut akiuussinnaanerulersimasut. Taamatummi pasitsaassa-qarnernitta takutimmagu, puisit toqorarsimasut tassaammata, piaqqat ukioq manna piaqqiarineqarsimasut kiisalu ataatsimik ukiullit, puisit nappaalanersuanni kingullermi piaranngorsimasut. Taama oqarpoq; Anton Linnet.