Disko II Sarpik Ittullu piareerput

Nunatsinni ilaasartaatit umiarsuit marluk tassa Disko II aammalu Sarpik Ittuk aasaru takornarianik 2000-nik ilaasoqarlutik angallassinissaminnut piareerput.

Sarpik Ittuk Danmarkimiit nunatsinnukassalluni juunip aappaanni aallassaaq. Nunatsinnilu avammut Uummannaq Qaanaarlu tikillugit angallassisassalluni. Aammattaaq aasaanerani angallassineq taamaatinnginnerani Canadaliassaaq aammalu Septembarimi Sullualummukassalluni tassa nunatta Canadallu sineriaata aqqutaaniittoq imartaq tassani pineqarpoq.

Disko II juunip 22-ianni angallassilluni aallartissaaq, Qeqertarsuup tunuanukartassaaq aammalu Qaanaaliartassalluni.

- Angallassinissami bilitsit amerlanersaat maanna pisiarineqareerput, aggustimili Qaanaaliarnissamut suli inissaqarpoq, aammalumi septembarimi Qeqertarsuup tunualiarnissamut ataasiakkaat inniminneereeraluartut ilaat utertitseriaraangata inissaqalertarpoq, Albatros Travelimi pisortaq Niels Kreutzmann oqarpoq.

Umiarsuit angalalerunik pingaarnertut danskit takornariat ilaasorissavai, naatsorsuutigineqarporli 2008-mut pilersaarummi angallassinerit annertusineqarnissaat, siunertaammammi Air Greenland suleqatigineratigut USA-mut aqqut ammariarpat nunani allamiut aamma angallanneqartalernissaat