Disko II pisisussaqalerpoq

Umiarsuaq Disko II sapaatip akunnerani uani tunineqassaaq. Taama ilisimatitsivoq Arctic Umiaq Line-usimasumik atorunnaarsitsisumi siulittaasuusimasoq Vagn Andersen.

Isumaqatigiissummik atsioqatigiittoqarnissaa kisimi amigaataavoq, atsioqatigiittoqariarpallu umiarsuaq februaarimi piginnittunut nutaanut ingerlanneqassaaq.

Disko II-mik pisisussat tassaapput USA-mi Miami-mi umiarsuaatileqatigiiffik, umiarsuarmik piginnittuunngikkaluarlni ingerlatserusuttoq. Taakku namminneerlutik pisisussarsiornissaq isumagissavaat.

Disko II-p sumut atorneqarnissaa qularnaarlugu Vagn Andersenip oqaatigisinnaannginnerarpaa, umiarsuarli sikumut qajannaallisagaasoq issittumi atorneqarnissamut naleqqulluarneralugu – soorlu Svalbardimi.

Disko II-p 10 millionit 100 million koruunillu akornanni akeqarnissaa Vagn Andersenip naammagisimaarpaa.

Qanorpiarli akeqarnissaa oqaatigerusunngilaa, tassami pisineq iluatsinngitsuussagaluarpat, piserusuttut imaaginnavimmata.