Discovery mitsinneqarnialerpoq

Silaannarsualiartaat Discovery, nunarsuatsinnut missinnaanngortoq, NASA-mit nalunaarutigineqarpoq.

Silaannarsualiartaammut tunngatillugu ilisimannilluartutut sulisut, Discovery-ip kissamut illersuutaa misissorluareeraallu, ualeq manna silaannarsualiartaat nunarsuatsinnut missaaq. Nunatta nalunaaqutaa malillugu nalunaaqutaq ullo´qeqqanut tanneq pingasut, silaannarsualiartaat Discovery mittussaassaaq.

Naak angallatip Discovery-p orsulersortarfiata silarliup ikiaqutaa putoqaraluartoq, juulip ulluisa sisamaanni, aallartinneqarpoq. Taamaammat ualeq manna silaannarsualiartaatip nunarsuatsinnut minnissaa pissanngatigineqangaatsiarpoq.

Ukiut pingasut matuma siorna silaannarsualiartaat Columbia ajunaarpoq.

Discovery-p silaannarsualiarnera pingaaruteqarluinnartut nalilerneqartoq angutinik tallimanik arnanillu marlunnik ilaasoqarpoq. Taakkualu maannamut ulluni aqqaneq-marlunni silaannarsuarmi paasissutissanik katersisimapput. Discovery-p angalanera iluatsissappat, , siunissami qaammammut Marsimullu angalasalernissaq George Bush-ip pilersaarutigaa.