Diamant-inik Ruben-inik Safir-inillu ujaasineq aallartilerpoq

Canada-miut aatsitassarsiorfiat True North Gems, Qeqertarsuatsiaani innuttasunik aqagu ataatsimiisitsissaaq. Ataatsimiisitsinermi oqaluttuarineqassaaq aatsitassarsiorfiup pinnersaasiassanik rubin-imik ujarammillu erlinnartumik tungujortumik safir-imik taaguuteqartumik ujarlernerminnik pilersaarutai. Aatsitassarsiorfiup maannakkut pinnersaasiassamik ujaasiffigisaa 110 kvadratkilometerinik annertutigivoq.

Piianissamut pilersaarusiortut, nunaqarfimmilu innutaasut saniatigut Namminersornerullutik Oqartussat aatitassat pillugit qullersaqarfianeersut ataatsimiinnermi peqataasapput.

Diamant-inik ujaasilluni qillerinerit qaqqaaniit piiakkanik misissuinerit Qeqertarsuatsiaallu eqqaata ujaraqarneranik nunap assiliornerit aasarmanna suliarineqartussatut pilersaarutaapput.

Aatsitassarsiorfiup True North Gems naatsersuutigaa aatsitassat 50 tons missaannik oqimaassusilinnik katersuissallutik kingorna misissoqqissaarneqartussanik.