DF: Kalaallit Nunaanni isumaginninneq pillugu Folketingimi oqallisigineqarli
Kalaallit Nunaanni inunnik isumagininneq folketingimi oqallisigineqaqqullugu, Dansk Folkepartiimit ullumi ministeriunermut Anders Fogh Rasmussenimut piumasaqaatigineqarpoq
Allattoq Jaaku Lyberth
Kalaallit Nunaanni inunnik isumaginninnikkut politikki ministeriunerup qanoq nalunaaruteqarfigisinnaaneraa Dansk Folkepartiimit paaserusunneqarpoq.
Folketingip inatsiseqarnermut allaffeqarfianit nalunaarutigineqarpoq ministeriuneq piffissaqalerpat sammeqqusaq oqallisigineqarsinnaassasoq.
Folketingip inatsiseqarnermut allaffeqarfia Radioaviisimut nalunaarpoq oqallisigeqqusaq pillugu ministeriunerup atorfilittai piareersaqqaartariaqarmata sapaatip akunnerani tulliuttumi pinnani qaammatilli tulliani immaqa ingerlanneqarsinnaassasoq.