Kalaallit Nunaat pillugu ilisimasallit soqutiginnittullu Danmarkimi peqatigiiffiat,
Det grønlandske Selskab, unnugu ataatsimeersuassaaq. Peqatigiiffimmi Kalaallit Nunaat pillugu ilisimatusaatinik oqalugiarfiusartumi, qanganisarsiooq,
H.C. Gulløv, siulittaasuuvoq. Ataatsimeersuarneq Danmarkip Kalaallit Nunaata misissueqqissaartarfiata iniitaanni,
Øster Voldgademi Københavnimiittumi ingerlanneqassaaq.
Ukiumut ilaasortanut akiliut qaffanniarneqarpoq, ilaasortat 1100-isut 180 koruuninik ullumikkut akiliisarput. Akiliut 40 koruuninik qaffanniarneqarpoq.