Det Grønlandske Selskab aningaasassaaleqivoq
Danmarkimi peqatigiiffik ”Det grønlandske Selskab”, danskit nunarput pillugu ilisimasaqarnerulernissaannik ukiuni 100-nngortuni suliniuteqartoq aningaasaqarniarnermigut ajornartorsiorpoq, tamannalu peqatigiiffiup ataatsimeersuarnerani siulersuisut unnugu saqqummiutissavaat.
Peqatigiiffik siorna 34.000 koruuninik amigartoorpoq, amigartoorutillu ukioq manna 67.000 koruuninngorsimapput.
Danmarkimi aviisinik nassiussinermi akimut tapiissutip peerneqarnera amigartoornermut pissutaanerpaasoq, peqatigiiffiup siulittaasua H.C. Gulløv oqarpoq.
Taamatuttaarlu peqatigiiffiup ukioq manna nalliuttorsiornerani illorsuarmi Odd Fellow Palæmi nerersuartitsineq, kunngissap Frederiup peqataaffigisaa 100.000 koruuninik akeqarsimavoq.
Tamanna pillugu Namminersornerullutik Oqartussat Kulturministeriaqarfillu peqatigiiffiup suliniarneranut tapersiissuteqarumaartut H.C. Gulløv neriuppoq.
