Demokratit USA-mi inatsisartunut qinersinermi ilimagisamit angusarissaanerusut

USA-mi qiterpaarluni qinersisoqarnissaa sioqqullugu, USA-p præsidentiata Joe Bidenip partiia, Demokraterne, USA-mi Repræsanternes Husimi ajorsangaatsiarnissaat marlunngornermi siulittuutigineqarpoq.

Amerikamiut USA-mi inatsisartuni Kongressemi kina ilaasortaatitarissanerlugu qinersipput.

Republikanerit Repræsentanternes Husimi amerlanerussuteqaqqalaartut, pingasunngornermi ullaap tungaani paasinarsivoq.

AAMMA ATUARUK Joe Biden qinigaaffiup qiterpaarnerani qinersisoqarnerani: Tamat oqartussaaqataanerat unammillerneqarpoq

Republikanerit Repræsentanternes Husimi amerlanerussuteqarnissaat suli naatsorsuutigineqarpoq.

Qinigaaffiup aappaani tassalu Senatimi demokratit amerlanerussuteqassanersut suli paasinarsinngilaq.

Amerikami qinersisartut suut pingaartinnerusimaneraat qinersisartut unnukkut marlunngornermi isumasiorneqarneranni  erserpoq.

Aningaasat nalikilliartornerat aamma naartuersittarneq qinersisartut pingaarnerutisssimagaat qinersisartut isumasiorneqarneranni, Edison Researchimit suliarineqartumi, paasineqarpoq.