Demokraatit: Piviusut aallaavigalugit paasisitsiniaasoqarli
Namminersornerup aningaasaqarnikkut kingunerisassai pillugit KNR-ikkut qaammatip aallartinnerani takutinneqartut, novembarip 25-anni taasisitsinissamut akuersisitsiniaalluni sunniiniarnertut Demokraatinit isigineqarput.
Filmimut paasisitsissutigineqartumut Naalakkersuisut isumaat Demokraatinit Inatsisartuni apeqquteqaatigineqarpoq. piffissap ingerlanerani filmi KNR-imi qanoq isummersorfigineqarsimanersoq ilanngullugu Naalakkersuisunut apeqqutigineqarpoq.
Demokraatit Namminersornermut isumaqatigiissummut partiitut kisimiillutik akerliusut isumaqarput, Namminersornermut allaffik piviusut aallaavigalugit namminnerlu isummersorfiginagit paasisitsiniaasussaasoq. Taamaammat paasisitsiniaanermut politikikkut akuleruttoqarsinnaanerata killilersimaarneqarnissaa siunertaralugu aalajangersimasunik malittarisassaqarnersoq ilanngullugu apeqqutigineqarpoq.