Demokraatit piumasaqaataat akuerinngilaat

Siumup Inuit Ataqatiit Partii Nalerarlu suleqatiginialermagit Demokraatit eqqartueqatigeqqaangilai, Justus Hansen Demokraatineersoq oqarpoq.

Siumulli partiit naalakkersuisunut illuatungiliuttut isumaqatigiissuteqarfigereeramigit Demokraatit suli ilaarusunnersut aatsaat paasiniaavigai. Taamaaliorusunnatilli, Justus Hansen oqarpoq.

- Isumarput allanngortinngilarput, taakkua uagulluunniit suleqatigissavaat, Justus Hansen oqarpoq.

Taamaammat Inuit Ataqatigiit Partii Nalerarlu piumaneruaat.

Assigiinngissutsit annertuallaarput

Demokraatit politikkikkut qalleraannerunerarpaat, namminneq peqataaffigisinnaanngisartik.

- Takusinnaavarpummi, Partii Naleraq Demokraatillu suleqatigiissinnaanngitsut. Taamaappormi. Illuatungeriilluinnarpugut suleqatigiissinnaanatalu. Taamaanneralu aalajangiusimajuarparput.

Ikinngutigiinneqarunnaareerpoq

Justus Hansenimmi Demokraatit Inuit Ataqatigiillu 2013-imi Naalakkersuisoqatigiiffigilerpai. Politikkikkut ikinngutigiinneq ullumikkut matooreerpoq, Justus Hansen nassuiaavoq.

- Inuit Ataqatigiit eqqarsaatigigaanni Inatsisartut ataatsimiittarfianni oqallinnerni aamma takusarparput, tunngaviusumik isummatsigut assigiinngeqaluta, tamatumuunalu aamma suleqatigiissinnaanngilagut, Justus Hansen, Demokraatineersoq, oqarpoq.

Aamma atuaruk Atassut Demokraatillu: Siumut ilumini ajornartorsiuteqarpoq

Aamma atuaruk Nunatta politikkiani ulloq misigissuseqarfiusoq