Atassut Demokraatillu: Siumut ilumini ajornartorsiuteqarpoq
Demokraatit aamma Atassut naalakkersuisoqatigiinni ilaajunnaarput ullup qeqqata siorna ullaap tungaani pisortatigoortumik naalakkersuisuni ilaasortaajunnaarnerat nalunaarutigineqarmat.
Siumup iluani aaaqqigiinngittoqarnera pissutigalugu Naalakkersuisoqatigiit tunuartariaqarnerannut pissutasoq Partiit siulittaasui oqarput.
- Siumup iluani eqqissiviilliorneq pisooqataanerpaavoq, Siumup iluani sorsuupput, tassa taanna pisooqataanerpaaq, Knud Kristiansen Atassutip siulittaasua oqarpoq.
Demokraatit siulittaasuata Randi Vestergaard Evaldsenip Partiip Siumup iluani aqqiangiinngittoqarnera pissutigalugu Demokraatit naalakkersuisoqatigiinni peqataajunaartut oqaatigaa.
- Uani pisooqataasut annertunerpaat tassa Siumut gruppinnimi imminni namminneq ajornartorsiutaat uagutsinnut tupput, Randi Vestergaard Evaldsen oqarpoq.
