Demokraatit partiinut tapiissuteqarnerunissaq akerlerigaat
Tassalu partii illuatungiliuttoq Inatsisartut siulittaasoqarfiata naalakkersuinikkut sulinermut tapiissutigineqartartut amerlinissaat pillugu siunnersuutaanut itigartitsilluni taasiniarpoq. Demokraatit tusagassiuutinut nalunaarummi taama allapput.
Nunatta aningaasaqarnikkut maanna inissisimaffia eqqarsaatigalugu partiinut tapiissutit amerlineqarnissaat pisariaqanngitsoq, Demokraatinit isumaqarput.
AAMMA ATUARUK Partiit imminnut tapiissutaasartut amerlinissaannut periarfissinneqartut
Partiimiilli tapiissuteqartarnerup aaqqissuunneqarnera partiinut minnernut naapertuussorinngimmassuk allanngortinneqartariaqarsoraat.
Nunattali karsianit aningaasartuutit amerlanerulinnginniassammata maanna aningaasaqarnerup inissisimaffianut naapertuuttumik aaqqiisoqassasoq, Demokraatit tusagassiuutinut nalunaarummi allapput.