Demokraatit: Naalakkersuisoqarfik avinneqarli

Demokraatit isumaqarput, Naalakkersuisoqarfik marlunnut avinneqassasoq, Ilaqutariinnermut immikkut Naalakkersuisoqalerluni taavalu Peqqinnissamut aamma immikkut Naalakkersuisoqalerluni. Demokraatit siulittaasuata, Jens B. Frederiksenip tikkuarpaa Ilaqutariinnermut Peqqinnissamullu Naalakkersuisoqarfik ilungersunartorujussuarmik ingerlasoq:

- Mikisualuit tamaasa tikikkusunngilakka, tamarmilli paasisinnaannguatsiarpaat Peqqinnissaqarfik napparsimasoq, UNICEFillu Ilaqutariinnermut Pisortaqarfimmut isornartorsiutai ilungersunartut piumasaqaateqartut taakkunani tamani iliuuseqartoqartariaqalersoq, Jens B. Frederiksen oqarpoq, nangillunilu:

- Taamaattumik inernissaa uaniittariaqarpoq, Naalakkersuisoqarfiup ataatsip illersorneqarsinnaasumik ingerlasinnaanissaa, Naalakkersuisoqarfik marlunnut avillugu ingerlattariaqaraluartoq, Jens B. Frederiksen naggasiivoq.