Partii Demokraatit inuusuttaminnut immikkoortortaqalerput.
Nuummi kiisalu Qaqortumi Demokraatit inuusuttunut immikkoortortaqarfii partiip nuna tamakkerlugu inuusuttunut immikkoortortaqarfiinik pilersitsinissaq siunertaralugu suliniuteqarsimapput.
- Neriuutigineqarpoq tamatuma kingunerisaanik illoqarfinni arlaqartuni inuusuttunut immikkoortortaqarfinnik siunissami qaninnerusumi pilersitsiortortoqalissasoq. Inuusuttunullu immikkoortortaqarfiit kattuffiannik pilersitsinermut
iluligitillugu kattuffittaaq Sorlak-mut ilaasortanngorniarluni nalunaaruteqareerpoq, Demokraatit taama nalunaarput.
Qaqortumi ataatsimiinnermi naammasseqqammersumi Nuummi Demokraatit Inuusuttut siulittaasuat Eva Marie Petersen kiisalu Qaqortumi Demokraatit Inuusuttut siulittaasuat Paninnguaq Falck-Petersen aalajangerput nuna tamakkerlugu kattuffimmik pilersitsinissaq siunertaralugu suliniuteqassallutik.