Demokraatit: Inatsisartuni ilaasortat ikinnerusut
Inatsisartuni ilaasortat 31-niit 25-nut ikilisinneqartariaqarput. Taama isumaqarput Demokraatit, oqaatigalugulu ilaasortat ikilinerisigut inuiaqatigiit ukiumut 3 millionit koruuninik sipaarsinnaassagaluartut, Sermitsiap nittartagaani taama allaaserinnittoqarpoq.
Allattoq Elisa Isaksen
Demokraatit tikkuarpaat, politikerit maligassiuillutik sipaarniutissanik nassaarniartariaqartut.
- Taamaattumik Inatsisartut ikilineqarnissaat naleqquttuussaaq, taamaaliornikkut millionit koruuninik arlalinnik sipaartoqarsinnaammat, Demokraatit siunnersuutiminnut tunngavilersuutitut taama allapput.