Inatsisartut ataatsimiittarfianni periaatsit sukaterneqartariaqartut, Demokraatit isumaqarput.
-Inatsisartuni ataatsimiinnerup ulluani kingullermi pissusilersornitsinnut isornartorsiuinerit kukkunerupput. Inatsisartut siulittaasuannit tusaanngitsuusaarneqarpugut, Demokraatit siulittaasuat Per Berthelsen oqarpoq isumaqarluni pingasunngormat pisut tamat oqartussaaqataanerat ajorsartoq:
- Nalunngilara illuatungiliuttutsinninngaanniit ileqquluttutut avammut suaarutiginiarneqartartugut kisianni demokraatit ileqquluttuunngillat kisianni ileqqoq atortariaqartoq atortarlugu, Per Berthelsen oqarpoq.
- Ikinnerussuteqartut nunatsinni illersugaanerat amiilaarnaannartumik sanngiippoq nunani allani siuarsimasuni inatsisit qimerlooraanni ikinnerussuteqartut pineqartarnerat tupinnaannartumik nunatsinni uparuagassartaqarput, oqarpoq.
Taassuma H.C. Andersenip oqaluttualiaa assersuuppaa. Nukappiaraq ileqquluttutut isigineqaraluarluni naggataagut ilumoortuunera naggataagut paasineqartoq.
- Taamatut ilaanni misigisimasarpunga demokraatit inissisimasut, Per Berthelsen taama oqarpoq.