Demokraatit: Ikiueqqaarneq meeqqanut ilinniartitsissutaasalerli

Meeqqat atuarfiini atuartitsinermi ikiueqqaarnerup atuartitsissutitut pinngitsoorani atuartitsissutigineqalernissaa Demokraatit partiiaannit siunnersuutigineqarpoq.

Ikiueqqaarnissap tungaatigut atuarfiup suliniuteqarnissaa partiimit kissaatigineqarpoq, Norge-milu misilittakkat innersuussutigineqarlutik. Norge-mi meeqqat atuarfiini ikiueqqaarneq ukioq 1939-mili atuartitsissutigineqartarpoq. 6. klassit atuartinneqartarneranni ikiueqqaarnerup immikkut atuartitsissutigineqarnissaa demokraatinit siunnersuutigineqarpoq.

Meeqqat atuarfiini ikiueqqaarneq atuartitsissutigineqartarpat ungasinnerusoq eqqarsaatigalugu meeqqat atuarfiat inuunermik annaassisinnaanermut suleqataassaaq.

Innuttaasut ilaat uummamminik unittoortoq naammattorneqarpat, inuit qaninnerpaami ittut uummarsaanissamut pisinnaasaqarunik inuunermik annaassisinnaapput, Palle Christiansen Demokraatit siulittaasuata tullia oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat