Demokraatit IA-llu qinigassanngortitassatik saqqummiuppaat

Demokraatit sinnerlugit folketingimut qinigissanngortittut pingasut inatsisartuni ilaasortaapput, sisamaat inuusuttunnguulluni arnaq.

Astrid Fleischer Rex 53nik ukiulik , Palle Christiansen34nik ukiulik , Jens B. Frederiksen-ilu 40nik ukiulik folketingimut qinigassanngortipput. Demokraatit qinigassanngortitaanni nutaatut Eva-Marie Petersen 23nik ukiulik qinigassanngortippoq.

Inuit Ataqaatigiit sinnerlugit Josef Motzfeldt folketingimiut qinigissanngortippoq. Inatsisartuni ilaasortat ukiukinnerpaartaat Juliane B. Henningsen, aamma Ilulissani borgmesterip tullersortaa Bendt. B Kristiansen qinigassanngortipput. Sofia Rossen Kuupik Kleist-ip folketingimi sulinngiffeqarnerani paarlattaasoq qinigassanngortipportaaq.

Siumut sisamanik qiningassanngortitaqarnissani qulakkeerluugu nalunaarutigaa, taakkualu ilaat ataaseq tupaallaatigineqarsinnaasutut taavaat. Lars-Emil Johansen qinigassanngortiniartoq nalunaarutigineqareernikuuvoq.

Atassut sinnerlugut Ellen Christoffersen qinigassanngortittoq nalunaartugineqareerpoq. Atassut sisamanik pingasunilluunniit sassartitaqarniarpoq. Atassummi siulersuisut unnugu ataatsimeereerpata, qinigassanngortitatik avammut nalunaarutiginiarpaat.

Kattusseqatigiit sinerissami immikkoortortaqarfitik maannakkut attavigiortorpaat, folketingimut qinigassanngortitatik aalajangiutsinnatigit.

Qanorooq unnugu aallakaatinneqarpat folketingimut qinersinissaq sammineqassaaq. Sinerissami qinersisartut folketingimut qinersissaq pillugu qisuariaataat takuneqarsinnaalluni.