Demokraatit danskit politiikeriinut: Akulerunnasi

- Qallunaat Kalaallit Nunaata naaggaarnissaanut annilaangalerput, taama siulittaasoq Jens B. Frederiksen oqarpoq.

Namminersorneq pillugu isumaqatigiissutip Danmarkimut aningaasatigut iluaqutaanissaa Demokraatit qularnanngilaat. Taamaammat danskit politikerit nuimasut inuiaqatigiinnik kalaallinik Namminersornermut angeqqusillutik maanna saqqummertalernerat kukkunertut avaanngunartutullu piffissaanngitsukkullu akulerunnertut isigigaat.

Partiip Siumup aamma SIK'p aviisimi saqqummersitaanni qallunaat politikerit nuimasut arlaqartut ilaapput, ilaatigut ministeriuneq Anders Fogh Rasmussen(V), Helle Thorning Schmidt (A), Villy Søvndahl (SF), aamma Demokraatit namminneq suleqataat, De Konservative.

Konservativit sinnerlugit Namminersorneq pillugu isumalioqatigiissitami ilaasortaasimasup Per Ørum Jørgensenip isumaqatigiissut naammagisimaarlugu oqaatigaa.

- Qallunaat taasinissatsinnut akulerunnerat Demokraatiniit kukkunertut isigaarput, Kalaallit Nunaanni innuttaasut taasinerissammassuk. Demokraatit isumaqartuarsinnarput kalaallit Namminersornermut naaggaartariaqartut qallunaanut nutaamik isumaqatigiinniartoqarniassammat, Jens B. Frederiksen oqarpoq.