Demokraatit Asii tunuaqquniarpaat

Partiit naalakkersuisooqatigiit Siumut Atassut Inuit ataqatigiillu ullaap tungaani katersuupput.

Ataatsimeeqatigiinneq Peqqissutsimut naalakkersuisup Asii Chemnitz Narup-ip Ilaqutariinnermut naalakkersuisuugallarami pisortaqarfiani aningaasanik atuivallaarsimaneranik imaqartoq oqaatigineqarpoq.

Ilaqutariinnermut naalakkersuisuusimasup Asii Chemnitz Narup-ip 13 millioni koruuninik atuivallaarsimanera Demokraatit pingaarnertut oqaluuserisassanngortinniaraat aamma oqaatigineqarpoq.

Demokraatit arlalinnik pilersaaruteqarput. Siullermik Peqqissutsimut naalakkersuisoq tunuartinniarpaat. Aappassaanik naalakkersuisut siulittaasuannit soraarsinneqarnissaa piumasariniarpaat. Pingajussaannik kingullertullu naalakkersuisumut tatiginnigunnaarnermik nalunaaruteqarniarput.

Radioaviisip tusarfii oqarput Atassutikkut Demokraatit siunnersuutaannik tapersiiniartut

Partiit gruppiminni oqallisereerlutik ataatsimeeqatigiinnitik aallarteqqippaat isumaqatiginninniarnerillu aallarteqqillugit.