KNR Decemberip aallaqqaataani 2021 Aminnguaq Dahl Petrussen Radiomi pisortanngorpoq
Aminnguaq Dahl Petrussen ukioq manna majimili Radiomi pisortaagallarpoq. Alice Sørensen nutaarsiassaqarfimmut nuummat paarlallugu atorfik ingerlatereerlugu, decemberip aallaaqaataat 2021 aallarnerfigalugu Radiomi pisortatut ivertinneqarpoq.

Allattoq Paasissutissat KNR / KNR Info
Aminnguaq Dahl Petrussen tusagassiortutut ilinniagalik, KNR-Radiomi arlaleriarluni sulisarsimavoq.
Radiomi sulinermik podcastiliornermik ilisimasaqarluarnini tunuliaqutaralugu, radiop ineriartorteqqinnissaanut ingerlatsisussatut tulluartuuvoq.
Aminnguaq Dahl Petrussen atorfinitsinneqarnermini ima oqaaseqarpoq:
- Aallakaatitsinerup tungaatigut nunarsuarmi ineriartornermut malinnaassaagut, taamaaliussaagullu inuiaqatigiittut ileqqugut inuppalaassuserpullu puigornagit. Allakaatitseriaaseq Flow takkunnikuuvoq tammarallarnaviarnanilu, taamaattorli aamma saniatigut aallakaatitassiat podcastit inerisassavagut, aammali aallakaatitassiat pissanganarsaakkat apeqqutillu inuiaqatigiinnik kalluisut inerisaaqataaffigissavagut.