Dash 8-t angalaqqusaajunnaarallarput

Timmisartornissat 84-it SASip aqagu unitsiinnarpai. Ilaasussaagaluit 5.000-it eqqorneqassapput. Unitsitsiinnarnernut peqqutaavoq unnuaq Litauen-imi SAS-ip timmisartuata Dash 8-p miinnartariaqalernerata kingorna timmisartut taamaattut angalaqqusaajunnaarnerat.

Timmisartut Dash 8-t sooq siornatigut angallannermi atorunnaarsimanngineraat SAS-imi tusagassiisartut pisortaat Anna Bove Nielsen, aperineqarami ima oqarpoq - Sapaatiummat timmisartut taakku ajoquteqarneri maluginiarparput isumaqaraluarlutalu timmisartoq ataaseq kisimi ajoquteqarsimasoq, taamaatttorli SAS-imiit nammineerluta misissuineq aallartipparput maannakkullu paasisavut tunngavigalugit timmisartut Dash 8-t angalaqqusaajunnaarput. Angalasullu toqqissisimanissaat pingaartinnerpaagatsigu timmisartut taamaattut misissoqqaarlugit aatsaat toqqissisimanartumik angallassisinnaanerat qulakkeeqqaarlugu angallannermi atoqqilersinnaassanerlutigit paasiumaarparput, Anna Bove Nielsen oqarpoq