Dash 7 ajoqusertoq timmisartuussinissanut allannguissaaq

Timmisartortitseqatigiiffiup Air Greenlandip timmisartuutaa DASH-7 Nuummi mittarfimmi truckimik aporneqarnerata kingorna iluarsaanneqarnera pissutaalluni sapaatip akunnerata tulliani timmisartuussinissanut allannguissaaq.
Allattoq Jaaku Lyberth
januaarip 10-at 2009 16:00

Ataasinngorpat timmisartuussinissaq GL-546 Nuummiit Kangerlussuarmut ingerlaartussaq taamatullu GL-212 Nuummiit Maniitsoq aqqusarlugu Kangerlussuliarmut ingerlaartussaq allannguuteqarput.

Taakkua aallarnissaat siusinnerusukkut aallartussatut pilersaarutigineqartoq Air Greenland nalunaarpoq.

Marlunngorpat timmisartuussinissaq ataaseq allannguuteqarpoq. GL 546 Nuummiit Kangerlussuarmut ingerlaartussaq qulingiluat qaangerlugu tanneq sisamanut aallartussaq siuartinneqartoq ullaakkut arfineq marlunut aallartussangorluni. Air Greenland-ip timmisartuinut ilaasussat timmisartortitseqatigiiffimit attavigineqassapput allannguutit pillugit. Ataasinngorpat marlunngorpallu timmisartumut ilaasussat qinnuigineqarput Air Greenland-ip allaffeqarfianut attaveqaqqullugit oqarasuaat 34 31 77-imut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq