Darfurimi sakkuaakkunnaarnissaq kissaatigineqarpoq
Kisianni Sudanimi pikitsitsiniat siuttuisa taama nalunaaruteqarneq qularnartoqartippaat.
- Naalakkersuisut 2004-p kingornagut arlaleriarlutik sakkuaakkunnaarniarlutik nalunaaruteqartareerput. Aamma maanna taamaaliorput. Pikitsitsiniat eqimattat arfiniliusut ilaasa siuttuat oqarpoq.
Tamatuma saniatigut eqimattat pikitsitsiniat amerlasuunik innuttallit marluusut, eqqisseqatigiinniarluni isumaqatigiinniarnerit peqataaffigiumajunnaarlugit nalunaareerput. Ukiuni sisamani aaqqiagiinnginneq iliuuseqarfiginiarlugu isumaqatigiinniarnerit ingerlanniarneqaraluarput. Manna tikillugu aaqqiagiinnginnerit inuit 200.000-it inuunerannik akeqareerput, aamma tamatuma kinguneranik inuit 2 miliuunit qimaasutut inuulerput arnallu tuusintilikkaat pinngitsaalillugit arneriffigineqartarlutik.
Aaqqiagiinngissuteqartut tassaapput Afrikamiut pikitsitsiniat illuatungaanilu Sudanip naalakkersuisui taakkualu Arabiamiut nunap ilaani tamaani sakkulersortut tapersersugaraat.
