Darfuri pillugu ilungersorput
Sudanip immikkoortortaani Darfur-imi sorsunneq unitsinniarlugu inuppassuit ilungersuleruttorput.
Darfurimi sorsunnermi inuit 10.000-ilikkaat toqutaasimapput, millionilikkaallu angerlarsimaffimminit qimaatinneqarsimallutik.
Kristumiut, muslimit, juutillu Tuluit Nunaanni ministeriunerup Tony Blairip Londonimi Downing Streetimi najugaqarfiata silataaniipput, Darfurimilu ajornartorsiutit aaqqiivigineqarnissaat kajumissaarutigalugu.
Rwanda-mi, 1994-imi inuiannik toqoraaffiusimasumi, Darfuri pillugu suliniuteqartoqarnissaa inuit katersuussimapput.
- Darfurimi innuttat eqqarsaatigileranngakkit, napparsimasutut misigilersarpunga. Ikiuisussanik takkuttoqanngippat qanoq pisoqariaannaasoq nalunnginnakku, Didier Sagashya, Rwandami inuiannik toqoraanersuarmi aniguisut ilaat oqarpoq.
Inuit 800.000-it 1994-imi ullut 100-t ingerlanerini Rwandami toqorarneqarput.