Danskit umiarsuaatileqatigiiffiat siullersaalluni Sullualukkoortuuvoq
![](/sites/default/files/styles/image_934x467/public/article_images/christian_bonfils_-_nordic_bulk.png?itok=36y12PZZ)
Aningaasarpassuit sipaarneqarsinnaapput. Sullualukkooraanni Kinamiit Europaliarnermi angalaneq Suezip Ikerasaliaatigoornermiit 40 procentimik ilanngarneqartarpoq. Panamap ikerasaatigoornermiillu Sullualukkoorneq tusind sømilinik ilanngarneqartarluni.
Naatsorsuutigineqarpoq umiarsuit tallimat qulilluunniit 2014-imi Sullualukkoorumaartut, qassiujumaarnersut takujumaarparput.
Nordic Bulk Carriersini pisortaq Christian Bonfils oqarpoq. Isumaqanngilarli issittup imartaani sikulimmi angallannersuaqalerumaartoq.
- Tamaanaqquttartut amerlassusaat uannut naammakkallarput. Ukiuni aggersuni amerliartulaassajunnarsipput, amerleriarujussuarnissaalli ilimaginngilarput.
Qilanaaraali Issittup imartaani angallanerup inatsisiliuunneqarnissaa.
Ingammik russit imartaatigooraangatta. Tamaanimi russit oqartussaasa malittarisassaliatik atortarpaat. Annilaangatigilaarsinnaavarpulli taakku qasukkartiterisinnaanerat taamaalillutik ajutoornissamut qaninnerulersitsillutik.
Nordic Bulk Carriers sisamanik assartuuteqarput sikusiutitut atorneqarnissaminnut qaffasinnarpaanik, tassa 1A-nik maannalu allanik sanaartortitsillutik