Danskit umiarsuaat isornartorsiuisoqareersorlu, von der Leyenip tikeraarnerani nunatsinniittoq

Danskit umiarsuaat alapernaarsuut "Thetis" Nuummi umiarsualivitoqaq ariitsumik saneqqummagu piffissaq eqqorluarnerusinnaanngilaq.

Tamannami EU-p ataatsimiititaliarsuata siulittaasua, Ursula von der Leyen tusagassiuutillu nunanit tamalaaneersut sumiiffimmut apuuttullu pivoq. 

Von der Leyen Nuup eqqaaniittunut kangerlunnut 

Von der Leyen ministeriuneq Mette Frederiksen (Socialdemokraterne) naalakkersuisullu siulittaasuat Jens-Frederik Nielsen (D) peqatigalugit Nuup eqqaani kangerlunni sapaammi angalaarnissaminnut atatillugu tassaniipput.

Angalaarnissaq von der Leyenip Kalaallit Nunaanni aningaasaleerujussuartoqarnissaanik nalunaaruteqarnissaa aamma EU-mik suleqatigiinnerulernissaq pillugu Kalaallit Nunaata Danmarkillu ataatsimut nalunaarutaannik ataasinngornermi atsioqatigiinnissaat sioqqullugu pivoq.

Taamaattumik Danmarkip Kalaallit Nunaannik Issittumillu nakkutiginninnini ilaatigut umiarsuarnik alapernaarsuiartortitanik Kalaallit Nunaata imartaaniititsinermigut takutitsinissaa naleqquppoq.

Sakkutuulli umiarsuaat alapernaarsuutit sisamat aggustip qaammataani sapaatip-akunnerini arlalinni nunatsinniinngillat, DR-ip tamanna umiarsuit taakkua sisamat sumiinneri pillugit paasissutissat tunngavigalugit qanittukkut allaaseraa.

Illersornissaqarfiup umiarsuarmik Thetis-itut ittumik issuttumi angalasussamik minnerpaamik ataatsimik ukiup ingerlanerani ulluni 365-ini nunatsinniititaqartussaanera piumasaqaataagaluarpoq. 

Piffissaq uniortoq

Illersornissaqarfiup umiarsuaatai alapernaarsuutit issittup nunarujussuani upalungaarsimasut akornanni pingaarutilittut inissisimagaluarpoq. 

Umiarsuiarnik alapernaarsuutinik piareersimasoqanngippat, umiarsuarnik qulimiguulinnik usisinnaasunik inunnik sinerissap ungasittuaniittunik annaasiniartoqarsinnaanngilaq.

Taamaattumik umiarsuit alapernaarsuutit piffissap taamaalinerani peqannginnerat kalaallinut ajuusaarnarpoq. Piniarfiummi takornariaqarnerpaaneratalu nalaani tamanna pivoq, upalungaarsimanermi siunnersorti Patrick Abrahamsen, nunatsinni annaassiniarnerup tungaatigut misilittagalik Dr-imut taama oqarpoq. 

- Qulimiguulik nunatta isorartussusaa eqqarsaatigalugu pingaaruteqarluinnarpoq. Umiarsuarmik alapernaarsuuteqangnippat tamanna kalaallit innuttaasuinut ajornartorsiutaalissaaq.

DR-ip TV 2-llu sakkutuut imarsiortui sulisussaqarniarnerup ajornartorsiutaanera suliffeqarfiup allagaatai tunngavigalugit upernaaq allaaseraat. 

Sakkutuut imarsiortuini atorfiit quliugaangata atorfiit qulingat inuttaqannginnera DR-ip apriilimi allaaseraa. Allagaatini TV 2-p takusimasaani sulisussaaleqinerup "ernumanarluinnartutut" taaneqarpoq. 

Angalanissaq taamaatiinnartoq

DR-ip nutaarsiassiinera naapertorlugu, sakkutuut imarsiortut umiarsuaata alapernaarsuutip "Hvidbjørnen"-ip inuttassaaleqinera pissutigalugu, nunatsinnut angalanissaa taamaatiinnarneqartariaqarsimavoq.

Von der Leyen, Mette Frederiksen aamma Jens-Frederik Nielsen umiarsuarmut Thetisimut sapaammi ikipput tassanilu paasissutissinneqarlutik.

Tamarmilli sapaammi apersorneqarnissaminnut periarfissiinngillat.

Sakkutuut umiarsuaat "Thetis" diplomatinik tikeraartoqannginnerani sungiusarnermut Arctic Endurancemut danskinit siulersorneqartumut atatillugu Nuup eqqaaniippoq.  Sungiusarneq Natop suliniutaasa ilaannut Arctic Sentrymut ilaavoq.

Aammattaaq umiarsuaq alapernaarsuut ukiumoortumik sungiusarnermut Nanook Tuugaalik-mut, Canadap illersornissaqarfiata Issittumi imarsiornermi sungiusaqatigiinnerisa annerpaanut, peqataasimavoq.

Umiarsuaq "Thetis" Nuummit sungiusarnernut allamut Arctic Shieldimik taaguutilimmut peqataajartorluni kujammut sapaammi unnukkut aallarpoq.

RITZAU