Danskit tusagassiorfiisa Juuntaap pasillerneqarnera allaaseraat
Aviisip ullormut saqqummertartup Ekstra Bladetip ullumi saqqummersup saqqaani qulequtsiunneqarsimavoq, Motzfeldt kinguaassiuutitigut kusanaatsuliortoq.
Aviisip quppernerini quppernernerit sisamaani tallimaannilu atuarneqarneqarsinnaavoq, inatsisartunut siulittaasup politiinut nalunaarutigineqarsimanera. Arnap kannguttaatsuliorfigineqarsimasup aviisimi Sermitsiami apersorneqarnera, tusagassiortumit Irene Jeppson-imit allaaserisaq, Ekstra Bladimit issuarneqarpoq.
Taassuma saniatigut inatsisartuni illuatungiuliuttut qisuariaataat issuarneqarput, ilaatigut inatsisartut siuliuttaasuata tunuarnissaanik piumasaqarnerat.
Inatsisartut siuliuttaasuat Jonathan Motzfeldt pinerluuteqarsimasutut pineqaatissinneqassanersoq
Naalagaaffiup Eqqartuussissuserisuata aalajangertussaavaa, Aviisi Ekstra Bladet ullumi saqqummersoq taamatut allaaserisaqarpoq, Jonathan Motzfeldt politiinit killiorsineqarsimanngitsoq ilanngullugu allaaserineqarpoq.
Aviisi Ekstra Bladet arfininngornikkut saqqummersinneqaraangami 100.000-inngorlugu saqqummersinneqartarpoq