Danskit tusagassiorfiini Jonathan Motzfeldtip tunuarnera sammineqangaatsiarpoq
Kalaallit Nunaat Danmarkimi tusagassiuutinit sammineqartuatsianngorpoq.
Aviisit B.T.-p Ekstrablade-llu Kalaallit Nunaanni politikerit nuimasut ilaata kinguaassiuutitigut kanngunartuliorsimasutut saqqummiunneqarnera kisimiillutik samminngilaat
Allattoq Jaaku Lyberth
Ullaakkut tv-kkut nutaarsiassani TV2-mi aamma DR-imi ullaakkut radioaviisini Jonathan Motzfeldtip Inatsisartut siulittaasuattut tunuarnera sammivaat.
Danmarks Radiomi tv-kkut internetikkullu nutaarsiassat aamma Updatep ullumikkut Kalaallit Nunaat sammivaat.
Raadiukkut aallakaatitsiviup P3-p kalaallit illuutaat aamma KNI-p pisiniarfia Christianshavnimiittoq sammivaat kiisalu Tine Bryld ukiorpassuarni kalaallinik Danmarkimi parnaarussanik sammisaqartartoq apersorpaat.